Beauty Kingdom

好耐都無update個blog, 因為工作實在太忙. 不過近期有個化妝牌子我實在太喜歡, 一直都想同大家分享, 但一直都懶著, 但係見到唔少姊妹都開始留意同講呢個化妝牌子, 我都蠢蠢欲動, 想寫番篇產品review. 今日唔得閒住, 不過我應承大家好快會整理好post出來. 同一時間, 等我介紹下呢隻產品先啦, 佢就係近期大熱的Coastal Scents.

我一直都好鍾意睇美國blogger Michelle Phan的video, 幾年前睇佢的video中看到coastal scents眼影, 自己search下先知原來呢隻係美國好hit的網購產品, 那時候心思思都想買. 雖然美國官網會送產品去香港, 但係運費貴之餘又唔知效果好唔好, 結果都不了了知. 後來發覺香港yahoo有人賣, 有d人賣得超平, 有d價錢就貴d, 賣得平的講明無logo, 咁咪即係假貨, 我當然唔買, 最後決定向其中一個可以出示美國單據的賣家買了盒88 Original Palette. 用了後立刻愛上不能自拔, 之後再買埋88 Ultra Shimmer及88 Metal Mania Palette (我也知自己實在太風狂了!). 最近還發現coastal scents在香港有代理, 而且在facebook有售, 甚至有分銷商在鋪頭發售, 簡直喜出望外. 新年期間我買了它的New Year Set, 有齊22枝化妝掃, 一盒travel size眼影, 遮瑕膏同一枝指甲油, 價錢也不過五百多元, 實在超值. 於是我整個一月一放假就玩佢d化妝掃(哈哈, 22枝真係乜都有齊晒), 所以覺得要分享一下.

講完一輪, 等我俾大家睇下我盒coastal scents 88 mental mania palette, 呢盒係我最鍾意的眼影, 因為metal色好啱亞洲人, 尤其是我係經常眼部浮腫的人. 呢兩張相係我啱啱買無耐影的, 所以好新淨, 而家有d色都差唔多用晒了, 就嚟又要入貨. 遲d我會再寫番product review, 大家恜目以待!